Politi | 24. nov. 2023

Stoppa ved politistasjonen etter lang tur på sommardekk

Kortreist fangst av farkost med fint mønster på farleg føre.

Stoppa ved politistasjonen etter lang tur på sommardekk
Politistasjonen på Moberg, her med nokre fleire centimeter snø enn i desse dagar. (Arkivfoto: Kjetil Vasby Bruarøy)
Susann Haukeland Børnes
Susann Haukeland Børnesfredag 24. nov. 2023 08:57

Torsdag kveld litt før klokka 19, etter å ha vore på Skeisflaten i samband med eit trafikkuhell, kom politiet over ein bilist som køyrde med sommardekk i snøvêret.

Bilen blei stoppa på busstoppet på Moberg, altså eit halvt steinkast frå politistasjonen.

– Bilen hadde sommardekk og bilisten hadde køyrd over ein lengre strekning med desse dekka, fortel vakthavande ved Bjørnafjorden politistasjon.

Det er oppretta sak på forholdet og bilførar, ei kvinne i 40-åra, fekk pålegg om ikkje å køyra vidare med dei dårleg eigna dekka.

Om trafikkuhellet på Skeisflaten i 17.30-tida fortel politiet om lettare skadd førar og skade på bil og autovern.

– Bilen gjekk beint fram i ei høgrekurve. Det var veldig glatt på staden. Det er oppretta sak, men ikkje tatt beslag i førarkort.

I 17.10-tida, før politiet var ute på uhellet på Skeie, fekk dei melding om ein feilparkert lastebil som kunne stå til hinder ved eventuell utrykking aust i Os sentrum.

– Førar av lastebil lovde å flytta den.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.