Lokal | 02. juni 2018

Stor jubel for Youtube-helten

Jubelen sto i taket hos utålmodige fotballspelarar då gamer og Youtube-kjendis Randulle vitja Eat Move Sleep-cup på Kuventræ.

Randulle fekk hjelp av Gard og Vetle då han konkurrerte mot ordførar Marie Bruarøy med Pernille og Sara på laget i "Gunhild"-quiz (foto: Andris Hamre)
Andris Hamrelørdag 02. juni 2018 12:15

Bildeserie:

A-lagsspelarane stilte som scenevakter (foto: AH)
For det var mange ivrige fotballspelarar som ville helse på helten (foto: AH)
Ungane venta pent. Etter seansen på scenen tok Randulle seg tid til selfie og autograf til alle (foto: AH)
Gunhild Stordalen fekk kortreiste egg frå Øyane (foto: AH)
A-lagsspelarane stilte som scenevakter (foto: AH)
1 av 5
A-lagsspelarane stilte som scenevakter (foto: AH)
For det var mange ivrige fotballspelarar som ville helse på helten (foto: AH)
Ungane venta pent. Etter seansen på scenen tok Randulle seg tid til selfie og autograf til alle (foto: AH)
Gunhild Stordalen fekk kortreiste egg frå Øyane (foto: AH)

Os fotball sin Eat Move Sleep-cup har blitt løfta fram av NFF, EAT og BAMA til å bli ein bærekraftig fotballturnering. Laurdag vitja EAT-gründer Gunhild Stordalen cupen saman med gamer og Youtube-kjendis Randulle (Sander Austad Dale).

Det var liten tvil om at det var Randulle som var den største helten av dei to blant dei unge fotballspelarane, som fleire ganger freista seg på ei nedtelling for å få han på scenen.

Hensikten med vitjinga var å spreie bodskapen om berekraft og cupen sitt hovedbodskap Eat, Sleep, Move.

– Du drikk vel berre energidrikk og sit oppe heile natta du som er gamer, spurte programleiaren frå scenen.

Men slik er ikkje kvardagen lengre for Randulle.

– Eg drakk mykje energidrikk før, men eg har lagt om. Veit du, smoothie er det beste eg veit. Drikk du det i staden kjem du til å spele mykje betre på FIFA. Dessuten har eg skjønt at eg treng søvn, så det blir ikkje noko speling på meg om natta lenger, fortalde han.

Fekk ordførar-egg

Med på scenen var også ordførar Marie Bruarøy, som innrømma at ho har ein tendens til å handle for mykje når ho er på butikken.

– Men i staden for å kaste restene, så har vi skaffa oss høns. Dei får no matrestene og vi får egg tilbake, svara Bruarøy då ho blei utfordra på sine dårlege vanar med tanke på berekraft.

Bruarøy hadde med seg ferske egg som ho gav til EAT-gründer Gunhild Stordalen.

– Det er jo heilt fantastisk. Akkurat slik vil ha det. Dette er berekraft i praksis, jubla Stordalen før ordføraren og Randulle blei utfordra i ein "Gunhild"-quiz kor dei mellom anna måtte svara på kor mange liter vatn som må til for å laga ein kilo oksekjøt og skulle velga om ein banan og eit eple skulle kastast i returavfall eller matavfall.

Begge var på nippet til å kasta det i matavfallet, men då protesterte dei unge fotballspelarane. «Du kastar ikkje mat».

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.