Stor øving på Søfteland i kveld
Os Røde Kors er vertskap når fleire av dei ulike hjelpekorpsa i Hordaland skal øva på leit- og søk.
Operativ leiar i Os Røde Kors, Frank Baggen, fortel at mellom klokka 18 og 21 vil det vera mykje uniformert personell og køyretøy på Søfteland.
– Scenarioet vi skal øva på, er born som er forsvunne. Det er mogleg politiet vil ta del i øvinga òg.
– Vi har vore så heldige å få med oss Nøtteliten barnehage på øvinga. Dei let oss nytta barnehagen, og dette er med å gjera det heile endå meir realistisk for deltakarane.
Baggen fortel at informasjon allereie er delt ut til innnbyggarane på Søfteland, og han ber om forståing for at søkemannskapa i tillegg til å leita langs vegar og i skogen, vil leita i hagar og rundt hus.