Lokal | 02. juni 2019

Store verdiar skadd i flaum

Garasje og kjellar blei fylt med vatn. Bilen kortslutta, og i garasjen blei ein spesiell motor fylt med vatn.

Vatnet sto høgt i garasje og kjellar i Myrvollen laurdag morgon. 
Kjetil Vasby Bruarøy
Kjetil Vasby Bruarøysøndag 02. juni 2019 07:58

Bildeserie:

Mannen som bur i huset mistenker dårleg drenering etter arbeid på nabotomta.
Bilen var kortslutta, båten var nesten på rek.
I kjellaren står ein ny, stor motor under bygging.
Brannvesenet lånte vekk pumpe.
Mannen som bur i huset mistenker dårleg drenering etter arbeid på nabotomta.
Bilen var kortslutta, båten var nesten på rek.
1 av 4
Bilen var kortslutta, båten var nesten på rek.
I kjellaren står ein ny, stor motor under bygging.
Brannvesenet lånte vekk pumpe.
Mannen som bur i huset mistenker dårleg drenering etter arbeid på nabotomta.

Laurdag morgon klokka 09.20 rykte Os brannvesen ut for å hjelpa til i samband med lekkasje i ein bustad.

– Vatnet kom frå utsida. Både garasje og kjellar var fylt med vatn, fortel varabrannsjef Arne Monsen.

Brannvesenet lensa vekk vatnet, men måtte låna vekk ei pumpe utover dagen, for vatnet heldt fram med å strøyma på.

Skade på hus, bil og verdifull motor

Familien som bur på adressa leiger huset. Mannen i huset fortel at vatnet sto høgt i heile kjellaren, og høgt nok opp på den eine bilen til at den kortslutta.

– Eg held på å bygga ein ny motor til amcaren min. Den står på palle, men det har kome vatn inn i botnen.

Motoren er på 1000 hestekrefter, bygd av delar for for 200.000 kroner. Utallige timar har gått med, og motoren er nesten ferdig.

– Eg har kontakta både huseigar og forsikringsselskap. Os kommune har òg vore her.

Har ein mistanke om årsak

Myrvollen har vore eit problemområde for overvatn tidlegare. I 2014 blei det oppdaga kloakk i Banktjørn, tvers over vegen, i 2015 blei to kjellarar i Myrvollen fylte med vatn, også i september i fjor måtte brannvesenet lensa ein bustad i same gate.

Os kommune skal ha vore på synfaring etter flaumen i bustaden.

Familien som bur der ser ikkje vekk ifrå at kommunen sitt arbeid med ny VA-leidning på nabotomta, der det seinare kan koma pendlarparering, kan ha påverka dreneringa i området.

– Tidlegare har det regna tett i fleire veke før problema oppsto, og det var gjerne vore lekkasje i fleire hus. Denne gong er det berre dette eine huset, og det har berre regna gjennom éi natt.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.