Han Inge Fedje og hunden Bruno vassa seg gjennom Brugata i kveld. (Foto: KVB)
Han Inge Fedje og hunden Bruno vassa seg gjennom Brugata i kveld. (Foto: KVB)

Ekstremflo fylte Brugata

– Han liker heldigvis vatn, seier Hans Inge Fedje om hunden Bruno.

Kjetil Vasby Bruarøy
11. februar 2020 - 0:41

Det blei som meldt ekstremt høg flo måndag kveld.

Vasstanden var på topp klokka 23.50, men allereie før klokka 23.30 fossa det vatn inn på treningssenteret Aktiv365, som ligg i lokalet Posten hadde i mange år.

Gjestebrygga var under vatn, det var ikkje luft under brua over Baronselva og stupebrettet i Mobergsvikjo gjekk plant med fjorden - som i motsetnad til søndag var blikkstille.

Det var meldt 221 cm flo i Os. I Bergen kom den opp i 239 centimeter over sjøkart null, 1 cm under rekorden i Bergen frå 1990.

Det er flo klokka 12.08 i Os tysdag. Då skal vasstanden bli 181 cm.

Midtsiden kjem med større bildeserie tysdag morgon. Bildeseriar er berre synlege for innlogga abonnentar.

Vatnet fossa inn på Aktiv365. (Foto: KVB)
Vatnet fossa inn på Aktiv365. (Foto: KVB)