Luftakrobatikk var eitt av mange flotte innslag under UKM fylkesfestivalen i Oseana. (Foto: UKM Media - Chris Odland - Ingeborg Hole - Sara Wergeland - Andri Helland)

Storslagen UKM-helg i Oseana

OPPDATERT: 250 ungdommar samla i Oseana - ein ung arrangør frå Os imponerte under fylkesfestivalen.

image
image
image
image
image
image
image
image
image
image
image
image
image
image
image
image
Av: Kjetil Osablod Grønvigh

I helga var nærare 250 ungdommar samla i Oseana for å delta på UKM fylkesfestival.

I tillegg til fem framsyningar i Oseana-salen var det kunstutstilling i Griegsamlinga, workshopar og aktivitetar for ungdommane heile helga.

Band, luftakrobatikk og skodespel

Laurdag og søndag gjekk det i eitt med framsyningar.

Ungdommar frå heile fylket synte fram alt frå luftakrobatikk, dans, solistinnslag på ulike instrument, song, skodespel til reine band-innslag.

I tillegg deltok mange ungdommar som UA-unge arrangørar. Desse sørga for mange viktige oppgåver, som til dømes å vera artistvert;  godt oppsummert syt dei for at det store arrangementet UKM er, heng saman.

– Tuva er perfekt

I går vart det publisert på heimesidene til UKM kven som skal representera Hordaland under landsfestivalen i Trondheim 24.-28. juni.

Ingen av innslaga frå Os- eller Fusa går vidare til Trondheim, men 16 år gamle Tuva Baggen er nominert vidare som ung arrangør.

Ansvarleg for fylkesfestivalen, Marianne Ose Askvik, fortel at for å vere sikker på at alle deltakarar i kategoriane Ung Arrangør (UA), får sin plass og kan bidra optimalt under produksjonen av UKM-festivalen i juni er det slik at kvart fylke nominerer vidare deltakere innan desse kategoriane. UKM Norge vel deretter deltakarar etter behov. 

– Eg reknar med å ha avklart innan fredag om Tuva blir vidaresendt eller ikkje, men Tuva kjem i alle høve ut med dei beste skussmåla etter helga i Oseana;

– Tuva er ein utadvendt, energisk, smilande og imøtekomande person. Ho er oppmerksom på alle menneske rundt seg er såleis den perfekte vert for både trygge og utrygge deltakarar som skal opptre. Vidare er ho veldig flink til å ta imot beskjeder og følgje opp sine ansvarsområder.

Tilslutt er ho god på kommunikasjon og viser respekt for andre, avsluttar Askvik.

I dag kom svaret Tuva venta på; ho er vidare til landsfestivalen i Trondheim.

Fleire saker