Stort vassleidningsbrot i Os

Os kommune har stengt vatnet til Midtskgvegen og Laksavegen etter at ein innbyggar ringte og fortalte om manglande vatn.

– Dette var klokka 06.30. Brotet er stort, men ikkje stort nok til at det gjekk alarm, så vi er takksame for at folk melder ifrå, seier teknisk vakt.

Vatn rann inn i hagane til folk og ein endeveg er skadd av vassmengdene.

– Vi har sendt ut varsel til 115 bustadar. Kor mange av desse som er utan vatn er uvisst, men vi informerte heile området.

Varslar og set ut vassvogn

– Klokka 10.45 skal det vera vassvogn på plass ved Midtskogvegen 32, for dei som vil henta vatn til matlaging eller formiddagskaffi.

Os kommune vil halda heimesida oppdatert og senda ny melding eller ringa ved eventuell påkopling og kokevarsel.

– Vi vil òg varsla før vi byrjar å grava sånn at vi ikkje stenger bilar inne. Det lærte vi frå Kolabakkane i februar.