Støvande resultat mot serieleiaren

Os tapte 30-33 for Viking TIF. – Det er nok ikkje eit heilt rett bilde på kampen, meiner Os-trenaren.

Isak Røen skåra åtte mot Viking TIF (Foto: Andris Hamre)
Andris Hamresøndag 28. jan. 2018 19:50

Bildeserie:

Even Hilland Lærum er ein av unggutane som har kome opp (foto: Andris Hamre)
Alexander Heggø blei toppskårar med ni mål (foto: Andris Hamre)
Nils Andris Hamre skåra sju, to på straffe (foto: Andris Hamre)
Trygve Lerch Dahl putta fire (foto: Andris Hamre)
Erik Vågen hadde to nettkjenningar frå høgrekanten (foto: Andris Hamre)
Egil Thuen er tilbake på handballbana (foto: Andris Hamre)
Even Hilland Lærum er ein av unggutane som har kome opp (foto: Andris Hamre)
Alexander Heggø blei toppskårar med ni mål (foto: Andris Hamre)
1 av 6
Alexander Heggø blei toppskårar med ni mål (foto: Andris Hamre)
Nils Andris Hamre skåra sju, to på straffe  (foto: Andris Hamre)
Trygve Lerch Dahl putta fire (foto: Andris Hamre)
Erik Vågen hadde to nettkjenningar frå høgrekanten  (foto: Andris Hamre)
Egil Thuen er tilbake på handballbana  (foto: Andris Hamre)
Even Hilland Lærum er ein av unggutane som har kome opp  (foto: Andris Hamre)

Etter å ha vunne sin første seriekamp onsdag, møtte Os serieleiarane Viking TIF heime i Oshallen søndag kveld.

Sist dei to laga møttest blei det ein stygg affære, så denne gangen hadde regionen sett opp to røynde dommarar og delegat (noko som normalt berre er i eliteserien) til å halda kontroll på kampen.

Og kampen blei av den fine sorten, berre to to-minuttarar, éin til kvart lag, i løpet av seksti minutt.

Os - Viking TIF 30-33 (15-20)
Utv: Os 1x2 min, Viking 1x2 min
Os sitt lag: Einar Godø, Trygve Lerch Dahl 4, Nils Andris Hamre 7, Isak Røen 8, Mats Brunvatne, Erik Vågen 2, Kristian Bruarøy, Alexander Heggø 9, Egil Thuen, Even Hilland Lærum

Os kom dårleg i gang og sleit med å få has på streken til Viking. Etter seks og eit halvt minutt såg spelande trenar Aleksander Heggø seg nøydd til å ta timeout på stillinga 1-5.

Fekk hol på forsvaret

Nokre gode tips må han ha kom med for berre fem minutt seinare var stillinga 4-7 til gjestane. Etterkvart fekk nemde Heggø og Nils Andris Hamre på høgrebacken hol på forsvaret til Viking og putta sju på rad før Viking-trenar Øyvind Heggø (far til Os-trenaren, journ.mrk) såg seg nøydd til å gjera som sonen og ta ein timeout.

Justeringa gjorde at gjestane kunne gå til pause fem mål foran.

Dei unge gutane løp meir enn Os og kontra kvar gang Os gjorde ein feil, eller bomma i angrep.

Skåra eitt på vél åtte minutt

Andre omgangen starta som den første. Os sleit med å skåra og brukte heile åtte og eit halvt minutt på å skåra omgangens andre mål. Gjestane har full kontroll på kampen og blir etterkvart noko ukonsentrerte, noko som igjen gjer at heimelaget kan kutta ned på forspranget. Til og med eit par kontringar vartar heimelaget opp med på slutten.

– Vi møter eit betre lag enn oss i dag. Dei er betre trent og meir samspilte enn det vi er, så resultatet viser ikkje det rette bilete av kampen. Eg må innrømma at med vårt treningsgrunnlag, så skal vi ikkje ha ein sjans mot Viking. Dei burde nok vore ti mål betre enn oss, oppsummerer Alexander Heggø etter kampen.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.