Støy og taua bil
Politirapport: Feststøy uroa nattesvevn. Bil taua frå Amfi Os.
I to tre-tida natt til fredag fekk politiet melding om musikk, rop og skriking frå eit husvære i Dalsvegen.
- Meldar fekk forstyrra natteroen og ringde oss.
- Vi var ikkje ute der, men eg vil likevel oppmoda folk om å ta hensyn til naboane om dei har hyggeleg lag, seier politioverbetjent Terje Sperrevik.
Fekk ikkje tak i eigar
Ein bil har i lengre tid stått parkert ved Amfi Os.
- Senterleiinga ba oss om hjelp til å få fjerna bilen.
- Vi har forsøkt å få tak i bileigar, men har ikkje lukkast.
- Bilen er no taua inn og vi vil gjera nye forsøk på å oppnå kontakt med ho som eig bilen før vi eventuelt gjer noko meir med den.
Torsdag kveld tok òg patrulja seg ein fottur i Os sentrum.
- Det var stille og roleg, berre nokre skaterar på Telthusplassen ved Baronselva som patrulja tok ein prat med, avsluttar Sperrevik.