Lokal | 13. des. 2012

Strålande Luciafeiring!

VIDEO: I Søre Øyane Naturbarnehage er det kvart år knytta store forventningar til Luciadagen og den årlege Luciafrukosten.

Kari M. Lyssandtorsdag 13. des. 2012 14:05

Bildeserie:

Eit flott koldtbord var laga i stand (Foto: KMA)
Eit flott koldtbord var laga i stand (Foto: KMA)
Spente born ventar på å gå i tog (Foto: KMA)
Spente born ventar på å gå i tog (Foto: KMA)
Så var dei i gong, med to flotte Lucia-jenter i front (Foto: KMA)
Så var dei i gong, med to flotte Lucia-jenter i front (Foto: KMA)
Luciatoget (Foto: KMA)
Luciatoget (Foto: KMA)
Det var stas å gå i tog... (Foto: KMA)
Det var stas å gå i tog... (Foto: KMA)
...for dei fleste (Foto: KMA)
...for dei fleste (Foto: KMA)
Dei flinke borna opptredde for forsamlinga ( Foto: KMA)
Dei flinke borna opptredde for forsamlinga ( Foto: KMA)
Dei flinke borna opptredde for forsamlinga ( Foto: KMA)
Dei flinke borna opptredde for forsamlinga ( Foto: KMA)
1 av 8

Søre Øyane Naturbarnehage blei opna i desember 2002, og sidan 2003 har Luciafrukost vore fast tradisjon i barnehagen.

Alle som har ein relasjon til borna i barnehagen er vekomne.

Stor suksess

- Dette er ein kjempefin dag som vi ser fram til kvart år, seier styrar i barnehagen Kjersti Irene Ellingsen.

SJÅ VIDEO NEDST I ARTIKKELEN

På koldtbordet kunne dei rundt 150 frammøtte forsyna seg med både potetsalat og karbonader, røykelaks og eggerøre, for å nemna noko.

I den tidlegare barnehagen i Øyane hadde dei foreldrekaffi på Luciadagen, men merka at det ikkje var så lett for foreldra å finne tid midt i arbeidet. Mange var stressa og hadde det travelt.

- Så då kom ein tilfeldig idé om å prøva frukost i staden for, sidan det er lettare å ta seg tid om morgonen, og det har blitt ein stor suksess.

Spente born

Frukosten startar klokka 07.00, så Kjersti og ein annan tilsett startar dagen grytidlig. All mat er laga i barnehagen av dei tilsette, i godt samarbeid med Bunnpris Vedholmen.

Det er 65 barnehageborn som står spente (nokre litt skeptiske) og ventar på å gå i tog og dela ut Lussekattar til foreldre, besteforeldre og søsken.

Med mørklagt barnehage, tente Lucialys og snøen som har lagt seg utanfor er det vanskeleg å ikkje koma i julestemning.

Viktig tradisjon

Borna heldt også ein flott minikonsert med både julesongar og andre songar dei har lært i barnehagen.

Både gjestane og ungane synast det er stas å få samlast til frukost og å vera saman.

- Denne dagen er ein viktig tradisjon som skal holdast på, seier Kjersti.

Ho legg til kor viktig det er å samlast og å kjenna tilhøyrsle, noko ho meiner det er mindre av i dagens samfunn.

- Men her ute i Øyane held dei enno fast på tradisjonane, og det skal vi ta vare på.

- Nokre av mannfolka synast vi burde ha denne frukosten ein gong i veka, men eg trur det får halda med éin gong i året, uansett kor kjekt det er, avsluttar ho lattermildt.

VIDEO: Sjå stemningsrapport frå Luciafeiringa. (Foto: Karie Marie Austevoll Lyssand)

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.