Næringsliv | 28. juli 2016

Straumbrot leia til spontan-flytting til Lidlbygget

Då straumen gjekk i Os sentrum i juni fekk Picapoint tid til å sjekka kontora dei skulle flytta inn i etter ferien. Då klarte dei ikkje å venta lenger.

Straumbrot leia til spontan-flytting til Lidlbygget
Tre av fem tilsette, Picapoint-gründerane Bjørn Stian og Ingerid med nyaste skot på stamma, Kristine Kvale i midten. (Foto: KVB)
Kjetil Vasby Bruarøy
Kjetil Vasby Bruarøytorsdag 28. juli 2016 20:53

Bildeserie:

Dei fire Os-verksemdene leiger heile nordaustre fløy. (Foto: KVB)
Dei fire Os-verksemdene leiger heile nordaustre fløy. (Foto: KVB)
10 prosent av dette 36.000 kvm store bygget. (Foto: KVB)
10 prosent av dette 36.000 kvm store bygget. (Foto: KVB)
Den overbygde rampen skiljer MX- og Sport Outlet-lageret. (Foto: KVB)
Den overbygde rampen skiljer MX- og Sport Outlet-lageret. (Foto: KVB)
Sport Outlet og MX flytta inn i midten av juni. (Foto: KVB)
Sport Outlet og MX flytta inn i midten av juni. (Foto: KVB)
God stemning på MX-lageret. (Foto: KVB)
God stemning på MX-lageret. (Foto: KVB)
Eigarane: Jan Frode, Odd Arne, Tor André og Johan. (Foto: KVB)
Eigarane: Jan Frode, Odd Arne, Tor André og Johan. (Foto: KVB)
Denne 60 meter lange gangen skal no fargekodast så folk finn rett firma. (Foto: KVB)
Denne 60 meter lange gangen skal no fargekodast så folk finn rett firma. (Foto: KVB)
Picapoint har vakse frå fire til fem, men har plass til sju. (Foto: KVB)
Picapoint har vakse frå fire til fem, men har plass til sju. (Foto: KVB)
Dei disponerer òg møterom. (Foto: KVB)
Dei disponerer òg møterom. (Foto: KVB)
... og kantine. (Foto: KVB)
... og kantine. (Foto: KVB)
Her skal det byggast showroom, lounge og fotostudio. (Foto: KVB)
Her skal det byggast showroom, lounge og fotostudio. (Foto: KVB)
1 av 11
Dei fire Os-verksemdene leiger heile nordaustre fløy. (Foto: KVB)
10 prosent av dette 36.000 kvm store bygget. (Foto: KVB)
Den overbygde rampen skiljer MX- og Sport Outlet-lageret. (Foto: KVB)
Sport Outlet og MX flytta inn i midten av juni. (Foto: KVB)
God stemning på MX-lageret. (Foto: KVB)
Eigarane: Jan Frode, Odd Arne, Tor André og Johan. (Foto: KVB)
Denne 60 meter lange gangen skal no fargekodast så folk finn rett firma. (Foto: KVB)
Picapoint har vakse frå fire til fem, men har plass til sju. (Foto: KVB)
Dei disponerer òg møterom. (Foto: KVB)
... og kantine. (Foto: KVB)
Her skal det byggast showroom, lounge og fotostudio. (Foto: KVB)

I midten av juni flytta dei første leigetakarane inn i det gigantiske NHP-lageret i Ådnadalen, Sport Outlet, MX Sport og Elements Production leiger 3.600 kvadratmeter av det 36.000 kvadratmeter store bygget.

Skeie-brørne og Odd Arne Larsen, hovudeigarane av både Sport Outlet og MX Sport Bergen Holding, har i vår blitt medeigarar i reklamebyrået Picapoint, som flyttar inn i den store kontorfellesskapen i det nye hovudlageret.

– Vi hadde plan om å flytta etter ferien, men så gjekk straumen i Os sentrum, seier Bjørn Stian Bjoarvik og ler.

Som superdigital verksemd var det lite anna å ta seg til enn å stikka til Ådnadalen og sjekka ut dei komande kontora.

– Alt var jo klart og dei andre var på veg inn dørene, så vi stak rett ned igjen til Jordmorsvingen og byrja å pakka, seier Ingerid Helle Soltvedt.

Kan utvida frå 5 til 8

Picapoint auka i mai frå 4 til 5 tilsette. Kristine Kvale, som er utdanna digital designer og webdesigner, jobba frilans frå ho var ferdig utdanna i 2013 til ho no fekk fast stilling på Os.

Kristine er frå Fyllingsdalen og trivst godt med nye kollegaer på Os.

– Ho har blitt kasta inn i det, både med nokre litt store prosjekt og med varierte oppgåver no når vi har hatt ferieavvikling, fortel Bjoarvik.

Det nye kontoret har sju arbeidsstasjonar, fire i ope landskap, tre på eigne kontor.

– Vi har ein del videomøter og då er det greit å kunna lukka døra. Elles sit vi tett nok til at vi kan halda dialogen over bordet, seier Ingerid.

Oppdragsmengda er allerie så stor at dei ser for seg å koma til å utvida til 7-8 tilsette i løpet av ikkje så lang tid.

60 spreke - og noko forvirrande meter

Ved sidan av sjølve kontoret har Picapoint tilgang på felles kantine, møterom og, etterkvart, eit felles fotostudio i ein nybygd andreetasje.

– Sport-selskapa bruker ein del foto, men vi kjem nok òg til å få bruk for studioet. Vi har gått litt vekk frå å bruka tida vår på foto sjølv, i staden plar vi leiga inn nokre av dei andre flinke fotografane i Os, som Silje Lepsøy, Erlend Haukeland og Vidar Langeland.

Kontora til dei fire Os-verksemdene i «Lidlbygget» er samla i ein langstrekt landskap.

– Gangen er akkurat 60 meter, så vi skal pakka opp nokre løpehjul frå lageret som vi kan bruka når vi skal besøkja kvarandre, eller ta ein tur på toalettet, forklarer Bjørn Stian.

Reklamebyrået har fått internoppdrag med å fargekoda heile gangen så det er tydeleg markert kvar du skal stoppa for å besøkja rett bedrift.

– Vi har nokre kartongar ståande igjen på gamlekontoret, så det står igjen noko rydde- og flyttejobb, men vi er veldig nøgde med den nye kontorfellesskapen i Ådandalen, seier Picapoint-gründerane, Bjørn Stian og Ingerid.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.