Strauminntak til bustad var smelta

Rykte ut til røykfullt bod i natt.

Kjetil Vasby Bruarøy
Kjetil Vasby Bruarøyonsdag 13. okt. 2021 09:40

Bjørnafjorden brann og redning rykte ut på to automatiske alarmar i natt.

Klokka 00.11 gjekk turen til ein institusjon, men der var det truleg ein teknisk feil som var årsak til at alarmen var utløyst.

Klokka 02.47 gjekk alarmen i ein bustad på Skeie. Her var det på førehand meldt om røyk frå ein bod.

– Dei som bur i huset var heime, og hadde gjort ein innsats med pulverapparat før vi kom, fortel varabrannsjef Erik Walden.

Straumen blei kopla ut, og røykdykkarane brukte blant anna varmesøkande kamera.

– Hovudinntaket for straum til bustaden kom via boden, og dette var smelta, fortel Walden.

Det er opp til politiet si etterforsking å finna brannårsak. BKK var også på staden.

– Det var ikkje røyk i bustaden, så dei som bur der kunne bli verande. Men dei må klara seg utan straum fram til BKK er ferdig å få på plass nytt inntak.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.