Fleire avgangar og enkelte samband i Vestland kan bli påverka av streik frå fredag 7. juni ved midnatt (natt til laurdag).
I lista Skyss i dag har sendt ut, er det ingen av fylkesveg-ferjesambanda i Bjørnafjorden kommune som blir ramma.
Altså styrer Hatvik-Venjaneset og Halhjem-Våge unna, i alle fall i første omgang av ein eventuell streik.
Men i Statens vegvesen si oversikt over riksveg-ferjesamband som kan bli ramma frå klokka 06.00 laurdagh 8. juni ligg Halhjem-Sandvikvåg.
Vegvesenet skriv: Sandvikvåg – Halhjem: Rute 4 og 5 vil bli innstilt.
Operatør er som kjent Torghatten Nord.
Riksveg-ferjene (vegvesenet)
Drag – Kjøpsvik: Sambandet vil bli stengt. Operatør: Fjord1
Bognes – Skarberget: Rute B vil bli innstilt. Operatør: Fjord1
Bognes – Lødingen: Rute C vil bli innstilt. Operatør: Torghatten Nord
Halsa – Kanestraum: Rute C vil bli innstilt. Operatør: Fjord1
Molde – Vestnes: Rute C vil bli innstilt. Operatør: Boreal Sjø AS
Festøya – Solavågen: Rute C vil bli innstilt. Operatør: Norled
Anda – Lote: Ferje II vil bli innstilt. Operatør: Fjord1
Oppedal – Lavik: Rute B vil bli innstilt. Operatør: Norled AS
Sandvikvåg – Halhjem: Rute 4 og 5 vil bli innstilt. Operatør: Torghatten Nord
Mortavika – Arsvågen: Rute D vil bli innstilt. Operatør: Fjord1
Hjelmeland – Nesvik – Ombo (Skipavik): Rute II vil bli innstilt. Operatør: Norled
Moss – Horten: Redusert kapasitet mellom kl. 0800 - 2000. Se egen rute ved streik. Operatør: Bastø Fosen
Fylkesveg-ferjesambanda (Skyss)
Følgande ferjesamband kan bli tatt ut i streik:
1026: Jondal - Tørvikbygd: Ferje 2
1027: Gjermundshamn - Varaldsøy - Årsnes: Ferje 1
1032: Skjersholmane - Ranavik: Ferje 2
Følgande båtruter kan bli tatt ut i streik:
390: Nordhordlandsruta
2080: Sunnhordlandsruta: Rute 3
Både Statens vegvesen og Skyss oppmodar reisande om å halda seg oppdatert.
- Du får ei samla oversikt på skyss.no/avvik og (liste over operatørar per samband, som igjen har oversikt over sine avvik) vegvesen.no/ferje
