Styrkar stallen med Fyllingen-veteran
– Han er ein leiartype, seier Ørjan Sandal om Frode Bergum Hansen, siste skot på Lysekloster-stamma.
Lysekloster har henta nok ein erfaren 2. divisjonsspelar, fredag kveld signerte dei kontrakt med Fyllingen-spelar Frode Bergum Hansen.
– Frode har vore visekaptein på Fyllingen i fleire år. Han er ein skikkeleg leiartype, seier Lysekloster-trenar Ørjan Sandal.
Bergum Hansen, som fyller 30 år i år, har spelt for Fyllingen dei siste 7 åra.
– Før den tid spelte han på Gjøvik-Lyn og Lillehammer. I Lillehammer spelte han saman med bror min, Thomas (som er aktiv spelar på Lysekloster, red anm), og det er medverkande årsak til at vi fekk huka tak i han, seier Sandal.
Frode er mest brukt i forsvar, men er ifølgje Lysekloster-trenaren ein spelar som taklar dei fleste roller på banen.