Styrte toppkampen, men måtte dela poenga
– Vi kan ikkje rekna med å skapa så mykje meir i ein kamp som denne.
Lysekloster tok laurdag imot Vard Haugesun til toppoppgjer i 3. divisjon.
Kampen enda 0-0, men heimelaget var nærmast å ta poeng.
– Det kunne sjå ut som om Vard på førehand hadde sett seg nøgd med eitt poeng i denne runden, dei fora seg lite framover i banen og klarte ikkja å skapa noko på oss, seier Lysekloster-trenar Ruben Hetlevik.
Djerv 1919 tapte for Stord laurdag, og ligg no 4 poeng bak tabelltoar Lysekloster.
Lite effektive
Lysekloster hadde to store sjansar før pause. Etter kvilen måtte Vard-keeperen i full strekk på frispark av Szymon Walczak, Thorvald Trætteberg spelte seg gjennom og innbytar Karol Zielinski var òg nær skåring.
– Vi var lite effektive framfor mål i dag, dessverre. Vi kan ikkje rekna med å skapa så mykje meir enn 5-6 store målsjansar i ein kamp som denne, då bør vi òg setja nokre av dei.
Toppkampen hadde bra vêr og godt med publikum.
– Eg håper dei synest det var ein underhaldande kamp sjølv om det ikkje var skåringar i dag, seier Ruben.
Vestfossen i neste runde
Denis Ljubovic var einaste på Lysekloster som fekk gult kort i kampen.
Lysekloster speler neste kampborte mot Vestfossen. Neste heimekamp går mot Fyllingsdalen om to veker.
Andre resultat frå 18. serierunde:
Stord - Djerv 1919 2-1
Bergen Nord - Fjøra 3-0
Valdres - Fana 0-5 (ikkje stadfesta)