– Svarten òg!

Ein båt på rundt 17 fot kjørte på skjeret mellom Bruarøy og Brimsholmen, Svartaskjeret, torsdag ettermiddag.

Ingen skal ha blitt skadd ulykka.

– Vi har ikkje snakka med båtføraren, men ifølgje sentralen kom førar og passasjer uskadd frå det, stadfestar politibetjent Kenneth Rastad frå Os lensmannskontor.

Ulykka skjedde i 16-tida. Cirka ein time seinare var båten tatt av skjeret.

– Det skal ha vore ein vaksen mann som kjørte båten. Han har fortalt at han har hatt problem med båten og at teknisk svikt var årsaka til ulykka, seier Rastad.