Sverre tok sølv og sette ny rekord i lagtempo

5.000-meteren gjekk heller ikkje så verst for Lunde Pedersen.

Sverre Lunde Pedersen, her i januar i år. (Foto: Int. Skating Union)
Kjetil Vasby Bruarøy
Kjetil Vasby Bruarøymandag 06. des. 2021 13:00

Sverre Lunde Pedersen sto over dei to første verdscuprundane for å få tid til å koma i endå betre form etter sykkelulykka i mai.

I helga deltok han i verdscup 3, som blei arrangert på den raske isen i Salt Lake City.

Fredag gjekk han 5.000 meter. Sverre deltok i divisjon B.

  • Der han landa på 8. plass av 43 deltakarar.
  • Sverre hadde tida 6:15.116, som er betre enn 10. plassen i divisjon A.

(Divisjon B er ikkje heilt samanliknbar med divisjon A, då divisjon B går 4 mot 4, samtidig som 4 er i oppvarming, og det at fleire er i sving på isen kan skapa noko mindre luftmotstand for deltakarane.)

Svenske Nils van der Poel vann med tida 6:01.566, som både er ny banerekord og ny verdsrekord.

Ny norsk rekord

Søndag gjekk Sverre lagtempo saman med Peder Kongshaug og Hallgeir Engebråten.

Peder gjekk i front, Hallgeir i midten og Sverre bakerst for å pusha på.

– Lunde Pedersen overraska dei norske kommentarorene og TV-sjåarane på Viasat 4, seier Norges Skøyteforbund i ei pressemelding i dag.

Noreg kom på 2. plass med 3:36.398, som er ny, norsk rekord.

Vertsnasjonen USA vann på tida 3:34.473.

1. plass: USA
2. plass: Noreg
3. plass: Italia
4. plass: Kina
5. plass: Canada
6. plass: Nederland
7. plass: New Zealand
Japan fullførte ikkje

Til helga går verdscup nummer 4 av stabelen i Calgary i Canada.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.