Sverre vann på Herdla

Etter ein tøff vinter for golfbanane rundt i Hordaland opna sesongen sist helg på Herdla Golfklubb på Askøy. RegionTour Hordaland gjekk av stabelen med 37 golfarar på første tee laurdag.

Pro på Bjørnefjorden Golfklubb, Sverre Marcelius, var før turneringa tippa som ein av favorittane, og han innfridde.

I fint vårvêr laurdag gjekk han dei 18 hola på 67 slag, fem slag over par. Dette holdt til ei knapp leiing eitt slag foran Magne Utkilen frå arrangørklubben.

Tøff vind

Herdla er kjent for å vera ei utfordrande bane heilt ute i havet, noko som gjer at spelarane ofte kan få utfordringar med vinden.

- Til dels tøff vind sundagen gjorde runden til ei utfordring for spelarane, fortel arrangøren.

Sverre takla dei vanskelege speletilhøva best, gjekk runda på 70 slag og heldt på leiinga eitt slag foran Utkilen.

Dei to hadde då bytta på å ha leiinga gjennom dei siste 18 hola, men ein tur ut i ein bunker for Utkilen på siste holet gjorde at han fekk ein bogey på holet, medan Marceliusen gjekk på par, noko som holdt til sigeren.

Ti frå Bjørnefjorden

Neste runde i RegionTour Hordaland går på Sotra golfklubb denne helga.

Med siger på Herdla, må Marcelius rekna med å ha favorittstempelet også denne helga når han går ut i den niande ballen saman med Frode Øverli (Sotra GK), Arnstein Vik (Fana GK) og Christoffer Solheim (Bergen GK).

Dei andre deltakarane frå Bjørnefjorden GK er Torstein Guttormsen, Anders Grasdal, Geir Arild Dalen, Bengt Tore Olsen, Alexander Heggland, Thore Bjørn Sivertsen, Harry Skage, Anders Engelsen og Thomas Lothe Alvsaker.