Politiet på Byvegen for ti dagar sidan, då ein hjort sat fast under ein bil. (Foto: KVB)

Svingte unna hjort og rett i autovernet

Ingen blei skadd då to hjort hoppa ut i vegen på Søfteland.

Av: Kjetil Vasby Bruarøy

Det har vore mange hjortepåkøyrslar i Os dei siste vekene, og i natt var det nær på at minst éin hjort til rauk med i trafikken.

– Bilførar fekk to hjort framfor seg, men klarte å svinga unna, fortel operasjonsleiar Lars Gitle.

Bilen gjekk det ikkje like bra med, den hamna i autovernet og fekk ein del skadar.

Ulykka skjedde i 00.30-tida på E39 Byvegen på Søfteland.

– Det har vore ei roleg natt i Os. Vi rykte ut på melding om ein krangel på ein utestad, men det løyste seg på staden, så det blei ikkje behov for nokon reaksjon frå patruljen, fortel Gitle.

 

Fleire saker