Lokal | 14. sep. 2016

Syklisten unngjekk hjorten - det klarte ikkje bilen

Valter Midtsæter tok seg ein runde over Langedalen på veg til jobb. I Åsen blei han vitne til hjortepåkjørsel.

Syklisten unngjekk hjorten - det klarte ikkje bilen
Ulykka skjedde før klokka 7, mellom den nye brua som er under bygging og bustadområdet i Åsen. (Foto: KVB)
Kjetil Vasby Bruarøy
Kjetil Vasby Bruarøyonsdag 14. sep. 2016 06:54

Det var rundt klokka 06.45 onsdag morgon at ein hjort blei påkøyrd av ein bil på fv 161 Lyseklostervegen.

Bilen blei ganske skadd, men var kjørbar etter samanstøyten. Det oppsto likevel noko kø på staden.

– Det var ein god smell og hjorten flaksa av garde, fortel Valte Midtsæter.

Han kom på sykkel, frå Os sentrum til Søfteland over Langedalen på veg til jobb i Kolskogen.

– Hjorten kom i høg fart

Valter var sjølv nær på å sykla på hjorten og klarte ikkje å stoppa før dyret hadde passert og blitt påkjørt.

– Det var mellom den nye brua som dei held på å støypa over Lyseklostervegen og bustadområdet. Hjorten kom over vegen frå høgre i full fart ut i vegen. Bilen som kom imot bråbremsa, men hadde ikkje sjanse å stoppa.

Kvinna som køyrde bilen skal ikkje ha blitt skadd. Hjorten blei liggande i grøfta. Viltkontaktane i Os blei varsla og fjerna dyret.

Hjort påkøyrd i Hegglandsdalen

Også tysdag kveld blei ein hjort påkøyrd i Os.

I 21-tida kom det melding om samanstøyt i Hegglandsdalen.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.