Sykt Mørkt på TV i kveld

Måndag kveld (kl 19.45) blir dokumentarfilmen Sykt Mørkt vist på NRK. Filmen er produsert av Tom Marius Kittilsen mens osingen Pål Winsents har regien.

– Etter å ha sett mange ME-pasientar dei siste sju åra, og følgt tett med på Kristine og Bjørnar sine kvardagsliv dei siste seks, ser eg at dei sjukaste ME-pasientane har behov for å skjermast heilt for lys, lyd og ytre stimuli, seier Pål Winsents i Fenomen Film.

I sommar gjekk blant anna overlege Vegard Bruun Wyller, med doktorgrad på ME hos ungdom, ut mot Helsedirektoratet sine 10 råd for å skjerma dei sjukaste ME-pasientane. Han meiner råda er villeiande og bør fjernast.

- Dei går langt i å anbefala dei sjukaste nærmast total skjerming. Det er både galt og farleg, seier overlegen til NRK.no.

– Konsekvensen av stimuli er endå verre

Bjørnar Krisner, som no ligg på tiande året, meiner Wyller ikkje har greie på kva han snakkar om.

- Dei 10 rådatil Helsedirektoratet må ikkje fjernast. Alvorlege ME-sjuke må skjermast. Eg blir fysisk dårleg av stimuli.

– Eg skjønar at det ikkje er ideelt å ligga heilt stille, men konsekvensen av å aktivisera er mykje verre, seier Bjørnar.

Mangel på innsikt?

Produsent Tom Marius Kittilsen går langt i å hevda at Wyllers uttalelse er mangel på fagleg innsikt om dei aller sjukaste ME-pasientane.

- Vi kan ikke forstå anna enn at Wyller ikkje kan ha hatt noko med denne gruppa ME-sjuke å gjera i si forsking, seier produsent Tom Marius Kittilsen i Fenomen Film.

- Vi oppfordrar Helsedirektoratet til å sjå filmen og høyre kva Bjørnar seier i opptaket vi nyleg offentleggjorde, seier Winsents.

VIDEO: Sjå trailer av Sykt Mørkt.