Torkel og Else Marie vann dansekonkurransen då Os Fotball lagde fest i tropehagen på Luranetunet. (Foto: Kjetil Vasby Bruarøy)

«Syngedamo» vann dansekonkurranse

Quiz, dans, allsong og sunn servering då Os Fotball lagde fest i tropehagen på Luranetunet.

image
image
image
image
image
image
image
image
image
image
Av: Kjetil Vasby Bruarøy

Os Fotball, som i januar fekk pris på Ullevaal for sitt arbeid for eldre, stilte i går med både dame- og herrelag på Luranetunet for å laga fest.

Eat Move Sleep-komiteen reiste til den nye tropehagen tidleg på ettermiddagen for å diska opp med mat og fruktdrikken «A La Bama» i nye Bambus Bar.

– Vi er takksame for at vi fekk bruka tropehagen, og for god hjelp og sponsing av ulike varer, seier Solfrid Vernøy frå Os Fotball.

Med seg hadde dei levande musikk servert av Olav Skorpen og Leif Østrem. Etter quiz var det dansekonkurranse og allsong.

Juryen i dansekonkurransen var av det godt skulerte slaget; trenarteamet Karl Kvile, Tim Henrik Sperrevik og Chris Kytiri.

Etter innleiande rundar blei tre par tatt ut til finale.

Der stakk Torkel Hjertnes og «syngedamo på Lurane», Else Marie Theodorsen (92) av med sigeren. Else Marie er som Eirik Søfteland, flink til å synga, men minst like stødig på dansegolvet.