Takka Mohn, Moberg og Borgen

Døsen og Søviknes heldt takketale under opninga av Os Idrettspark laurdag.

Tore Moberg (i bakgrunnen) og Jan Borgen, her representert ved sonen Mons Martin, blei takka av ordføraren under opninga av Os Idrettspark laurdag. (Foto: Andris Hamre)
Kjetil Vasby Bruarøy
Kjetil Vasby Bruarøysøndag 13. sep. 2015 11:08

Bildeserie:

Deltakarar og stafettklare politikarar samla seg. (Foto: Andris Hamre)
I helga er det opningsstemne i Os Idrettspark. (Foto: KVB)
Ved banen er det også kome eit nytt 5000 kvm kastfelt av gras og klubbhus. (Foto: KVB)
Ordførar Søviknes og prosjektleiar Døsen. (Foto: KVB)
Hans Parnefält gledde seg over at Tore Moberg blei ropt opp. (Foto: KVB)
Idrettskonsulent Tom Leonsen kom med blomar til Moberg. (Foto: KVB)
Bård Alfstad frå Osbadet gav Søviknes noko å klippa i. (Foto: KVB)
Har du sett?! (Foto: KVB)
Deltakarar og stafettklare politikarar samla seg. (Foto: Andris Hamre)
I helga er det opningsstemne i Os Idrettspark. (Foto: KVB)
1 av 8
I helga er det opningsstemne i Os Idrettspark. (Foto: KVB)
Ved banen er det også kome eit nytt 5000 kvm kastfelt av gras og klubbhus. (Foto: KVB)
Ordførar Søviknes og prosjektleiar Døsen. (Foto: KVB)
Hans Parnefält gledde seg over at Tore Moberg blei ropt opp. (Foto: KVB)
Idrettskonsulent Tom Leonsen kom med blomar til Moberg. (Foto: KVB)
Bård Alfstad frå Osbadet gav Søviknes noko å klippa i. (Foto: KVB)
Har du sett?! (Foto: KVB)
Deltakarar og stafettklare politikarar samla seg. (Foto: Andris Hamre)

Laurdag klokka 10.00 starta Os TF friidrett sitt opningsstemne, klokka 13.30 kom ordførar Terje Søviknes og prosjektleiar Tor Inge Døsen frå Os kommune for å stå for den offisielle opninga.

Døsen sette gledens dag i perspektiv og tok med nokre ord om Syria og flyktningekrisa før han samanlikna den fine dagen på Kuventræ med Moses sine 40 dagar i ørkenen.

– Vi starta veka før påske og no, fem månadar seinare, står anlegget klart. Det er inspisert og funne prikkfritt, det som var av merknadar er retta opp. Det skal også skje meir i Od Idrettspark, ein ny dobbel fleirbrukshall skal byggast, eit arbeid vi så vidt har byrja å planlegga.

Både Døsen og Søviknes fortalte om det samstemte vedtaket i april 2014 som førte til samarbeid, makebyte og vidareutvikling av Kuventræ som sentralidrettsanlegg.

Finansiering og frivillig engasjement

– Som så mange andre anlegg i Hordaland er det éin mann som står som sentral i finansieringa. Trond Mohn har gått inn med 10 millionar kroner, fortalte Søviknes.

Også Tore Moberg og Jan Borgen blei takka - Moberg for sitt uttretteleg arbeid, både med å utfordra Os kommune på å bygga basseng på Kuventræ, og med planlegging og engasjement for nye fotballbanar og fasilitetar for andre idrettar.

Borgen, som var representert ved sonen Mons Martin, blei takka for at han alle desse åra med dårlege vilkår har halde liv i friidrettsmiljøet i 110 år gamle Os Turnforening.

Dette er Os Idrettspark

• Den gamle grasbanen frå 1953 er skifta ut med kunstgrasbane med internasjonale mål, 105 x 68 meter, med 5 meter sikringsfelt bak kvar mål og 2,5 meter på langsidene.

• 5000 kvm med nyoppretta felt med naturgras frå Jæren. Til spyd, diskos og slegge og eventuell annan bruk.

• Klubbhus (ikkje Os Turn sitt, men Os kommune/alle brukarar) på 120 kvm, sett saman av 8 modular som tidlegare var midlertidige klasserom i Lysefjorden. Det kjem også 80 kvm bod og garasje for traktor og utstyr i tillegg.

• 6 løpefelt merkt for alle distansar, også hekkeløp.

• 2 lengdegroper med tillaup

• Kulefelt

• Ny tjukkas med «hus». God plass for høgdehopp.

• Mykje nytt utstyr, blant anna lys, speakeranlegg, sensorar, kamera og tjukkas.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.