Takle Eide skaut Lysekloster til NM

I går blei siste av to kvalifiseringsrundar til NM spelt. Mens Os avgjorde på straffesparkkonkurranse på Kuventræ spelte Lysekloster borte mot Lyngbø.

– Vi hadde grei kontroll, men så kom Lyngbø med ei utlikning i 77. minutt, fortel trenar Ørjan Sandal.

Ni minutt seinare kom innbytar Øystein Takle Eide, som gjekk frå Os til naboklubben i vinter, og avgjorde i sin debut for Lysekloster.

Takle Eide fyller 18 år i år og er yngstemann i A-stallen til Lysekloster.

– Øystein gjorde ein od og viktig jobb, no skal vi delta i NM for første gong, seier Sandal nøgd.

I fjor blei Lysekloster slått ut av Os, året før tapte dei andre kvalifiseringsrunde for Øystese.

Lyngbø - Lysekloster 1-2 (0-1)
Målskårarar, Lysekloster: Tommy Gaustad og Øystein Takle Eide

Lysekloster måtte klara seg utan Baste Jonassen, som fekk to gule kort i første kvalifiseringskamp, og tomålsskårar Lars Henrik Skage, som har vore litt skadd, men sat på benken. Også Johannes Jordal er på veg tilbake etter skade, men blei sitjande som reserve.

– Første omgang var brukbar, etter pause fekk det ikkje heilt til. Lyngbø er tøffe og det er første gong vi slår dei på bortebane, og det viktigaste i går var at vi gjekk vidare.

Lysekloster (4-3-3): Chris S. Midtun - Ola Sjømæling, Sindre Flaa, Aleksander Andersen, Preben Skorpen - Espen Birkeland, Hans Christian Nysæther, Kim Liseth - Thomas Helland, Sigve Rørstad og Tommy Gaustad.
Innbytarar med speletid: Øystein Takle Eide (for Helland) og Joakim Hjelmeland (for Liseth)