Talane og underhaldninga

Bildeserie:

1 av 17

Etter ein rekordlang hovudprosesjon, som i år gjekk via Finnebrekka til Lurane, var det duka for song, talar og underhaldning på Kyrkjeflaten.

I år var scenen i motsett ende av den grøne lunga mellom kyrkja og Øyro.

I videoen over får du berre ein smakebete av Song til Os. Her kan du sjå heile!

Sjå òg video og bildeseriar frå:
• Intervju med Søviknes og Grønvigh
• Minneparken
• Toget
• Osøren Jazzensemble i Oseana

På programmet for Kyrkjeflaten sto:
Song ved 1. og 2. klassetrinn ved Os barneskule.
Ord for dagen ved elevar frå 7. trinn ved Os barneskule.
Ord for dagen ved Hans Bjørn Bakketeig, optiker og eldsjel i Hjelp Moldova.
«Os-songen» ved artistfelleskapen som i fjor lanserte musikkvideo av nyinnspeling av bygdasongen vår.
Underhaldning ved Os barne- og ungdomsteater.
Tale ved russepresident ved Os Gymnas, Ingrid Marie Stokke, og russepresident ved Os vidaregåande skule, Christian Hjelle.

Barnekoret song imponerande fint, 7. klassingane hadde ikkje berre historieforteljing om 1814, dei reflekterte over framtida, om dei kom til å halda tale på 17. mai fleire gongar, Hans Bjørn Bakketeig fortalte om oppveksten på Øyro, kom med oppmoding om å halda fram med å bruka Os sentrum og takka Os vgs for samarbeidet.

Russepresidentane fortalte om korleis dei set pris på å veksa opp i Os, tett på byen, i trygge omgjevnadar, og takka foreldra som stiller opp som frivillige og er med på å gjera Os til ein god plass å bu.

Felles for talarane var at dei snakka om integrering, om kor heldige vi er som tilfeldigvis er fødd i Noreg, og om vårt ansvar til å hjelpa andre og til å integrera dei som kjem her.

Os barne- og ungdomsteater stilte med rikeleg med energi og glimt i auget, med originale idear og manus, og fekk folk til å kosa seg også siste del av timen på Kyrkjeflaten.