Os spelte i går treningskamp mot tidlegare lagkamerat Kristoffer Røttingen og resten av 2. divisjonslaget Sotra.
Sotra tok leiinga ved å heada inn ein corner, Os fekk sjanse til å utlikna før pause, men Niklas Lunde Fosen sin straffe gjekk i stolpen.
I 2. omgang gav Torgeir Lunde Os ei utlikning, også denne skåringa var heading på corner.
Sotra tok leiinga igjen før slutt og vann 2-1.
– Det blei ein tett og jamn kamp. Ser vi bak resultatet er det mykje positivt å ta med seg frå denne kampen, synest Os-trenar Endre Brenne.
Sotra - Os 2-1 (1-0)
Os: Kasper Færøvik - Anders Havsgård, Petter Hilton, Mathias Dahl - Steffen Kvamsdal, Lukas Einarsen Olsen, Torgeir Lunde, Sverre Spangelo Haga - Henrik Tysse Sperrevik, Daniel Kvalvågnes og Niklas Lunde Fosen.
Innbytarar med speletid: Eirik Rysjedal, Modestas (frå Litauen på prøvespel) og Markus B. Austrheim.
Sotra slo Fana 4-1 i førre treningskamp, men tapte 2-1 for Lysekloster i februar.
Os har tidlegare i vinter slått Brann 2 frå 2. divisjon og divisjonskollega Fana i treningskamp.
