Tar framleis imot oppdrettslaks

For ei veke sidan var det fleire fiskarar i og rundt Bjørnafjorden som meldte frå om storfangst av laks.

Så gjekk Fiskeridirektoratet ut og ba om tips, samtidig blei kampen om laksen hardare og det blei gjennomført kontrollfiske i Oselvo.

Fiskeridirektoratet seier det også har kome meldingar frå Samnangerfjorden og Korsfjorden, på fisk på 2-3 kilo, og ber framleis om tips.

Betaler dusør

Ut frå den informasjonen Fiskeridirektoratet har blir det antatt at Bolaks er kjelda til rømminga.

Dei har funne hol i ei not ved anlegget Skavhella i Os. Holet er reparert og selskapet har iverksett gjenfangstfiske.

Bolaks har to stasjonar for mottak av rømt fis og betaler 200 kroner i dusør per fisk:
• Lønningdal
• Lammaneset i Eikelandsosen

Kontaktperson for begge stasjonane er Terje Moss, mobil 913 91 109. Dei som vil levera fisk må ringa Moss før levering.

Fiskeridirektpratet vil koma med oppdatert informasjon i slutten av veka.

Hugs fiskereglane

Fram til 28. februar er det lov å fiska med garn etter rømt oppdrettsfisk. Løyvet gjeld ikkje i fredningssonene eller nærmare enn 100 meter frå elvemunningane.

Maskevidda må vera minst 58 mm.

Alle som fiskar må registrera seg hos fylkesmannen. Her finn du fleire reglar du bør kunna om du fiskar etter laks.

Direktoratet ber om at fritids- og yrkesfiskere melder inn fangst av oppdrettsfisk til døgnopen tipstelefon 03415, eller på epost fmc@fiskeridir.no.