Tatt med over 120 gram hasj

Ei jente i tenåra blei i desember 2017 tatt med 93,11 gram hasj i ein liten koffert på ei adresse i Os.

Då politiet sjekka mobiltelefonen hennar, såg dei av sms-utveksling at det også hadde vore amfetamin i husværet, men at dette var fjerna. Det viste seg at faren hadde tatt beslag i dette ein dag eller to i forvegen.

Politiet reiste heim til faren og fekk med seg 8,24 gram amfetamin.

I januar 2018 var jenta, saman med venar, og henta 29,6 gram hasj. Politi i sivil stoppa jenta på ei anna adresse i Os, og tok beslag også i dette partiet.

Beslaga er store nok til at straffa kunne blitt fengsel utan vilkår, men jenta er i rehabiliteringssituasjon, og retten fann samfunsstraf som passande. Jenta er dessutan tidlegare ustraffa og relativt ung.

Ho blei dømt til 45 timar samfunnstraff med gjennomføringstid på 120 dagar.