Tatt med tang
Dei fleste fekk fisk då Os Jakt og Fiskelag inviterte born og ungdom til Fiskesommar på nyemoloen. Nokre fekk også litt tang med på kjøpet.
Bildeserie:
Torsdag hadde fiskelaget sin årlege kampanje retta mot born og unge i grunnskulealder.
Kampanjen Fiskesommar er riksdekkande i regi av Norges Jeger- og Fiskerforbund, som er sponsa av Statskog med 10.000 fiskestenger til spreidd utdeling til lokale fiskelag.
– Vi har rundt 25 ungar her og mange av dei har fått fisk allereie, seier Ove Lyssand frå Os Jakt og Fiskelag.
Nokre fekk smålyr, andre måtte kjempa litt for å få sprellande makrell på land.
– Det har gått litt makrell innom moloen, så då var det action.
Ungdomar kunne stilla på eigahand, ungar under 10 år måtte ha med seg vaksne. Fleire foreldre og besteforeldre stilte også til fiske på den nye moloen på Mobergsneset i finvêret torsdag ettermiddag.
Midtsiden samleside: Jakt og fiske