Tau i fjorden

Politiet har det siste døgnet fått melding om tau som flyt i sjøen ved Gulholmane, funn av narkotika og innbrot i hytte på Strøno.

Av: Kjetil Vasby Bruarøy

Skal du kjøra båt forbi Halhjem og Søre Øyane bør du følgja med på kva som ligg i sjøen.

- Vi har fått melding om at det flyt ein del kraftig tau i sjøen. Dette stammar kanskje frå arbeidet med ny forankring til oppdrettsanlegget, og vi vil få politibåten til å kjøra utom og sjekka, seier politioverbetjent Terje Sperrevik.

Politiet har også fått melding om innbrot i ei hytte.

- Ei hytte på Strøno har stått ubrukt ein periode i juli. I denne perioden har det vore tjuvar på besøk. Fleire ting er sakna og hytteeigar ville komma inn å melda innbrotet i dag.

Nokon har ved slump funne noko som liknar narkotika. Funnet blei gjort i Os sentrum, og meldt til politiet, som har tatt beslag i stoffet.

Tips midtsiden.no

Kjetil Vasby Bruarøy + 47 90 78 92 70
Andris Hamre +47 47 90 61 11