Lokal | 03. okt. 2018

Teiner skapte ferjetrøbbel

Hummarteinene står så tett på innseglinga til Halhjem at ferjene må venta på kvarandre.

Teiner skapte ferjetrøbbel
Teiner pregar innseglinga til Halhjem, og skapte i går forseinkingar på sambandet. (Arkivfoto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 03. okt. 2018 07:36

Måndag blei dei første hummarteinene for sesongen sett i sjøen, tysdag hadde enkelte blitt i overkant ivrige utanfor Halhjem.

– Tysdag kveld fekk vi melding om teiner som står for tett på den eine ferjeleia, fortel politioverbetjent Rune Fimreite.

Der to ferjer tidlegare kunne passera kvarandre, våger ikkje ferjene lenger å vera to i breidda i frykt for å få tau i propellen.

– Ferjene må no ligga og venta på kvarandre, noko som skapte forseinkingar i avgangane.

Politiet nemner ingen tiltak i saka, men oppmodar folk å tenkja seg om før dei set ut teinene.

– Det er uheldig når nyttetrafikk blir ramma, men det gjeld elles i skjergarden vår òg, at ikkje teinene står tett i smale sund, og er til hinder for vanleg ferdsel.

Ved Trollsøya i Austevoll har det kome ny fredningssone.

• Les òg: Ny fredningssone for hummar

Omsyn til ferjetrafikken kan vera årsak til fredninga i dette området.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.