Lokal | 24. mai 2018

– Tenk at nokon tar seg bryet med å senda skrytemelding!

Far til ei ung jente som køyrer MC fekk overraskande skrytemelding frå ukjent «observatør».

– Tenk at nokon tar seg bryet med å senda skrytemelding!
Ill. foto frå MC-treffet i Vognhallen i april. Den unge jenta som fekk ros køyrde noko lettare mc. (Foto: KVB)
Kjetil Vasby Bruarøy
Kjetil Vasby Bruarøytorsdag 24. mai 2018 12:31

Den siste tida har det kome ei rekkje klager til politiet på ungdom som køyrer uforsvarleg og leikar seg i trafikken på moped og lett motorsykkel.

Men det er også ungdom som køyrer fint, og det finst faktisk folk som gir tilbakemelding på dette òg.

Ein far til ein av dei unge mc-førarane i bygda fekk nyleg denne tilbakemeldinga per SMS, frå ein annan osing, ein mann han ikkje kjenner frå før:

Jeg antar at du har registrert på deg (reg nr og motorsykkelmerke) og at antagelig din datter kjører den. Det er kjapt at noen klager når man mener at noen kjører ‘’tulling’’ med MC. Da vil jeg være rask med å skryte av når noen kjører effektivt, teknisk veldig bra og elegant. Jeg hadde gleden av å kjøre bak denne sykkelen fra by’n til Os og det var en fryd å følge med på. Må du formidle en takk for opplevelsen!

Dottera er mellom 16 og 18 år, og er fersk i trafikken med nytt førarkort og lett motorsykkel som nytt transportmiddel.

– Det er med blanda kjensler du sender ungdomen din ut i trafikken. Når du får meldingar som dette blir du sjølvsagt både glad og litt stolt!

Men innringar har ikkje tatt kontakt for å løfta dottera opp og fram.

– For det første vil eg retta ei stor takk til innsenda, som både legg merke til god adferd i trafikken, har tatt seg bryet med å finna ut kven førar og foreldre er, og som så sender denne fine meldinga! Eg synest det er beundringsverdig!

– For det andre trur eg at ho langt frå er åleine om å køyra fint. Då kan det, i desse dagar, vera fint å nemna at det er fleire stødige og varsame unge trafikantar i Os. Legg merke til desse òg! er mc-pappaen si oppmoding.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.