Tenner bål for landbruket

Saman med Bergen Bondelag tenner Os bondelag eit varselbål på Bahus, hos Øyvind Thorsen, tysdag ettermiddag. Samstundes tenner bønder over heile landet bål som eit varsel om at Regjeringa si jordbruksmelding fører matproduksjonen i feil retning.

– Ved å tenna bål i heile landet vil vi protestera mot ei jordbruksmelding som gjev auka liberalisering og svekkjer politikken. Det er inga selvfølge at vi har eit jordbruk frå nord til sør i dette landet og eit mangfold av gardar. Det er dette vi brenner for og vil ha meir av. Difor denne markering i dag, seier Olav Botenvik frå Os Bondelag.

– Landbruket i vår kommune og i resten av landet er ei næring med store moglegheiter. Dette potensialet tek ikkje meldinga tak i, supplerar Bodhild Fjelltveit frå Bergen Bondelag i ei pressemelding.