Egil Leganger kan sjå tilbake på ein vellykka opningsfest på Os. (Foto: Kjetil Vasby Bruarøy)

Tett med folk på 7 Eleven-opning

… og no har stasjonen vore døgnopen for første gong.

image
image
image
image
image
image
image
Av: Kjetil Vasby Bruarøy

Fredag for ei veke sidan, etter å ha vore stengt for ombygging i fire dagar, opna den tidlegare Best-stasjonen langs Byvegen ved Os sentrum som YX 7-Eleven.

I går heldt kjøpmann Egil Leganger opningsfest for «heile bygda».

– Det sto 40-50 kundar utanfor då vi klipte snora, og dei første timane var det som sild i tønne her, seier Egil til Midtsiden.

Grilling utanfor og halv pris på bestseljarar frå menyen skapte pågang. Kaka skulle ha 100 stykker, men blei kappa til 120, som raskt blei servert til gjestar og kundar. Leganger skulle dela ut 50 koppar som gir gratiskaffi gjennom året, men delte ut 250.

Beste fest til no

– Enkelte var her ei god stund, humøret var på topp og folk var høflege og kom til og med å takka for maten før dei gjekk.

Dagen før var det tilsvarande fest og tilbod på re-opning av ein av dei andre stasjonane hans, på Øyrane Torg.

– Men denne dagen på Os er den beste og mest folksame opningsfesten vi har hatt, seier Leganger.

Lønsamt og gjennomførbart med nattope?

Egil har med seg 11 tilsette på 7-Eleven, tre av dei er nytilsette.

– Er dei tre nye engasjert som nattevaktar?

– Nei. Det er nok vanskeleg å få folk til over tid å berre jobba natt. Vi deler vaktene opp i turnus sånn at alle tar nokre netter i blant, med unntak av dei unge, som skal på skule dagen etter. Då blir det gjennomførbart, sånn vi har erfart det til no.

– Men er det særleg med handel klokka 3 natt til ein onsdag?

– Nei. Men det å sleppa å stenga av til klokka 23, og å opna opp tidleg på morgonen, sparer oss faktisk for mykje arbeid. Det er handel etter klokka 23, og tidleg om morgonen, og den rolegaste perioden på natta blir brukt til å få butikken på plass til neste morgon. Samla sett blir det lønsamt, seier Leganger, som frå før driv tre tilsvarande stasjonar i bergensområdet.

Fleire saker