Thea Tyssøy Jensen (17) tatt ut til VM
Landslagsutøvar Thea besøkte gamleklubben før avreise til USA.
Bildeserie:
Til helga reiser Thea Tyssøy Jensen frå Søfteland til Oslo for siste førebuingar før VM i cheerleading i Orlando.
– Eg var på mi første landslagssamling i april i fjor, men det var først i januar i år at VM-troppen var klar, seier Thea, som siste helga i april får VM-debuten sin.
Thea jobbar på Luranetunet som elev på TAF Helse ved Fusa vgs. Ho er tatt ut saman med Bergen Storm-gruppa si, som består av Thea saman med Ingrid Eeg Nielsen, Sunniva Skeie Eidsaa og Nora Hjertager Lund.
I går var ho oppom der det heile starta, i Os Turn Cheerleading.
– Uredd og treningsvillig
Thea hadde sett cheerleading på YouTube, og var glad då det brått kom eit slikt tilbod i Os.
Ho blei medlem som 11-åring, blei tatt ut til treningscamp i USA som 12-åring og blei verande i Os til ho som 14-åring gjekk over til Bergen Storm.
– Eg hugsar at Thea var litt sjenert, men uredd og veldig treningsvillig. Ei stund var det nesten som om ho budde på Fysak, fortel trenar i Os, Lena Stigen.
I tropp med to frå Lysefjorden
Først var Thea junior level 5, så senior på øvste nivå, level 6.
No er ho del av ein landslagstropp på 28, inkludert 4 reservar.
– Hanna og Stine, som budde i Lysefjorden før, er òg med. Dei bur i Oslo og er medlem av Tigers, fortel Thea.
Hannah Roman og Stine Bråten Johannessen tok gull ei ein gruppekonkurranse for mixlag med Strorm under EM i 2015.
– Noreg plar gjera det bra. Målet er ein plass på pallen, fortel Thea.
– Eg føler meg ikkje nervøs no, men blir nok spent nærmare start. Først og fremst gler eg meg til å reisa til Florida og å oppleva VM, seier Thea.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.