Thomas «Tomtom» er osing nummer 20.000

Heimflytta Thomas «Tomtom» Haugland blei osing nummer 20.000. Torsdag fekk han gåver frå kommunen og næringslivet i Os for nettopp 20 000 kroner.

Thomas Tomtom Haugland blei osing nummer 20.000 og fekk heider og ære i kommunestyret torsdag (foto: Andris Hamre)
Andris Hamretorsdag 12. jan. 2017 17:13

I kommunestyret torsdag ettermiddag avslørte ordførar Marie Bruarøy (H) kven som har blitt trekt ut som osing nummer 20.000.

Han er fødd og har vakse opp på Os, men flytta ut av bygda i 2000, før han i september kom heim og busette seg på Søfteland.

– Osing nummer 20.000 er Tomas Tomtom Haugland, kjent i musikkbransjen med Tomtom Studio. Han er 35 år, besatt på Søfteland, er sambuar og har ein katt, fortel Bruarøy, før ho legg til at det stas at også utflytta osingar kjem heim.

Tilfeldig uttrekk

Det var i 3. kvartal i 2016 Os kommune passerte 20.000 innbyggarar.

Kommunen gjekk i oktober ut og oppmoda alle som hadde flytta til bygda i løpet av september om å melda seg på i «konkurransen».

– Det var 20 som meldte seg. Vi gjorde ei tilfeldig trekking og kom ut med Thomas.

– Han får heider og ære her i kommunestyret, med også gåver til ein verdi av 20 000 kroner, som har vore eit spleiselag mellom kommunen og næringslivet i bygda, avsluttar Bruarøy

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.