Ti år gamal jente smitta av korona

Ei ti år gamal jente frå Bjørnafjorden kommune er stadfesta smitta av koronaviruset.

Ho er i nær familie med ein annan smitta, opplyser kommunen på sine heimesider.

Smittevernlege Bjørn Petter Aasheim Johannesen opplyser at jenta har milde symptom.

• Midtsiden startar utsending av gratis nyheitsbrev på epost - meld deg på her

I går blei ein mann i 20-åra konstatert smitta. Smittekjelde er uvisst, men helsevesenet har oversikt over kven han har vore i kontakt med.

Dei to er 13. og 14. tilfelle av koronasmitta i Bjørnafjorden kommune.

Datoane for dei første 14 smittetilfella i Bjørnafjorden:
11. mars: Mann i 50-åra, smitta etter utanlandsreise.
14. mars: Mann i 50-åra og mann i 30-åra, ein av dei etter utanlandsreise.
20. mars: Kvinne i 20-åra, den første smitta på Fusa-sida av kommunen.
21. mars: Mann og kvinne i 40-åra.
23. mars: Fire nye smittetilfelle. Alle er i nær relasjon til ein annan smitta. Kjønn og alder er ikkje opplyst om.
4. april: Kvinne i 30-åra. Første konstaterte smitta på 12 dagar.
7. og 8. april: Smittetilfelle nummer 13 og 14, ein mann i 20-åra og ei ti år gamal jente.