Ti køyrde for fort - éin køyrde med sommardekk
Politiet hadde kontroll på Halhjemsvegen fredag.
Fredag morgon blei det gjennomført fartskontroll på E39 Halhjemsvegen.
Det blei skrive ut 10 forenkla forelegg.
– Høgaste fart blei målt til 89 km/t i 70-sona, opplyser vakthavande ved Bjørnafjorden politistasjon.
Med dei nye satsane tilsvarer det 6.700 kroner i forelegg og to prikkar på førarkortet.
I 16-tida var det eit uhell på Strønevegen. Ein bil som hadde køyrd over brua retning Strøno, køyrde utfor opg landa på sida.
Bilførar, ein mann i 20-åra, var uskadd.
Vegen opna for normal trafikk klokka 17.
Det blei meldt om svært glatte vegar både til Strøno og andre stadar i Os og bergensområdet fredag.
Politiet stoppa ein bil på Halhjemsvegen som køyrde med sommardekk.
Vedkomande, ein mann i 20-åra, er meldt.
– Vi oppfordrar alle å sjekka at bilen er godt nok skodd for vinterføre.
Ein annan mannleg førar i 20-åra fekk pålegg om utbetring av feil som gjorde at bilen støya for mykje.