Politi | 26. mai 2025
Ti tatt i fartskontroll
Største førelegg var på 3250 kroner.
Kjetil Vasby Bruarøymåndag 26. mai 2025 09:12
Politiet har i helga vore kopla inn i samband med ein havarert lastebil i Liafjellstunnelen, brannvesenet har sløkt eit større bål mens skogbrannfaren var på sitt tørraste.
Meir om desse i eigne saker under.
Fredag formiddag gjennomførte UP ein trafikkontroll på E39 Halhjemsvegen.
– 10 førarar fekk forenkla førelegg, opplyset politioverbetjent Atle Birkeland.
Høgaste målte fart var 80 km/t i 70-sona. Det kvalifiserer for 3250 kroner i førelegg.
52 førarar blei kontrollert for promille utan at det førte til reaksjonar.
Natt til laurdag blei ein MC-førar kontrollert på Moberg.
– Eigar må utbetra fleire tekniske feil, blant anna manglande DB-killer.
