Til finalen med denne videoen

Før Os Musikkforening går på scenen i Oseana i morgon, er avstemminga over.

Bonderomanikk i skjergarden på Os Musikkforening sin video. (Skjermskudd, foto: Asle Bentzen)
Kjetil Vasby Bruarøy
Kjetil Vasby Bruarøylørdag 20. juni 2020 18:43

Oseana sitt sommarprogram speler vidare, og denne helga er det korps på plakaten. I ettermiddag har Os skulekorps og Lyshornet skulebrass halde konsert (vi kjem tilbake med video og bildeserie), i morgon går Os Musikkforening på scenen med konserten «Gjensynsglede».

Før konserten kan dei voksne korpsmusikantane gle seg over å ha tatt seg til finalen i den landsdekkande konkurransen VIVO.

Os Musikkforening fekk verken spela Før-NM-konserten i Oseana eller delta i sjølve NM Janitsjar i Trondheim, grunna koronapandemien.

Frå opprykk til videokonkurranse

OMF skulle spela i 1.divisjon for første gong på over 30 år.

Men Norges Musikkorps Forbund har halde korpsa skjerpa ved å arrangera VIVO.

Asle Bentzen har laga videoen som sendte Os til finalen.

Berre åtte korps er i finalen, og vinnar blir avgjort ved avstemming på nett. Frist for å stemma er klokka 12 søndag.

I ruta under (og på Youtube) ser du videoen som sendte Os Musikkforening til finalen.

Konserten i Oseana søndag startar klokka 16.

Os Musikkforening fortel at konserten vil innehalda vakker, livleg og noko kjent musikk.

OMF blir leia av dirigent Magnus Brandseth, konserten blir leia av æresmedlem Karl Ole Midtbø.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.