Sport | 18. sep. 2012

Til topps på Nore Neset

VIDEO: Laurdag opnar turlaget sin nye klatrevegg i Nore Neset Aktivitetshus. Bli med opp!

Andris Hamretysdag 18. sep. 2012 06:32

Os Turlag har dei tre siste åra jobba for å få på plass og finansiera ein klatrevegg i Osbygda. Etter kvart blei det klart at Nore Neset Aktivitetshus kunne husa veggen og med støtte, innsamlingar, god hjelp frå sponsorar og diverse fond har veggen no kome opp.

Sjå instruktør Lars Petter Christensen demonstrera veggen i videoen nedanfor.

Sjølv om veggen har vore klatrebar ei god stund, har justeringar og godkjenningar gjort at turlaget har venta til Nore Neset Dagane og Osmessa til å gjennomføra den offisielle opninga.

- Då blir det mogleg for alle å få prøva veggen, fortel Sven Hermansen, ein av instruktørane i fjellsportgruppa til Os Turlag.

Mykje for pengane

Om lag 300 000 kroner har den ferdige klatreveggen kosta turlaget.

- Eg synes vi har fått utruleg mykje vegg for pengane.

- Det har blitt ein utfordrane og bra vegg med fleire graderte ruter, forklarer Hermansen, som tidlegare var med på å driva ein klatrevegg i Åsane.

Stor interesse

Fleire klatrarar frå bergensområdet har allereie vore på Os for å sjå på den nye veggen, men også lokalt har interessa vore stor.

- Til no har 70 meldt seg inn i facebookgruppa vår.

- Andre idrettar har vore i oss for å høre om det er mogleg å leiga veggen for alternativ trening, så at det er ei interesse er det ikkje tvil om.

Os Turlag Fjellsportgruppa har to utdanna instruktørar og ein som berre må ta eit oppfriskingskurs før også han er godkjent instruktør.

- Då blir vi tre instruktørar som vil halda kurs og vera med å vegleia, seier Hermansen.

Må ha bratt fjell-bevis

For å klatra i veggen på dei faste klatre-måndagene og på samlingar i helgene må ein ha tatt kurs og fått brattkort (bevis på gjennomført og bestått klatrekurs).

- Vi vil starta opp kurs om ikkje så lenge. Dei som er interessert må berre følgja med på heimesidene til turlaget, avsluttar Hermansen.

VIDEO, 1:28: Sjå Midtsiden prøva seg i klatreveggen og instruktør Lars Petter Christensen demonstrera korleis det skal gjerast.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.