Sport | 13. sep. 2009

Til VM i swing

Iceabella Johansen (25) og Sindre Spilde (26) frå Os Swingklubb er tatt ut til VM i swing.

Til VM i swing
Kjetil Vasby Bruarøy
Kjetil Vasby Bruarøysøndag 13. sep. 2009 19:57

Bildeserie:

1 av 2

Under ei landslagssamling for to veker sidan blei to dansarar frå Os Swingklubb tatt ut til VM i bugg i Sverige i oktober.

Iceabella frå Os og Sindre frå Fana blei noregsmeistarar i folkeswing i november i fjor, ei stil dei framleis konkurrerer i, men no satsar dei mest på bugg, der dei har NM-sølv frå før.

- Bugg er som ein mellomting mellom boogie-woogie og folkeswing, forklarar Sindre.

Svenskane er blant dei ivrigaste i Europa når det gjeld swing, og har kome med stilen bugg, som no ekspanderer i vår verdsdel. Det er også i Sverige VM går, i Eksjø 10. oktober.

Internasjonal erfaring
Osingen Iceabella gjekk på sitt første swingkurs då ho var 12 år, og har seinare dansa meir eller mindre samanhengande i Os Swingklubb. Då ho var 15-16 år konkurrerte ho for første gong, og ho hadde både NM-bronse og NM-sølv før ho saman med kjærasten Sindre vann NM i fjor.

- Vi har også vore med i nordisk meisterskap og i EM, fortel ho.

I nordisk var dei beste norske par etter innleiande runde, med 4. plass, men i neste runde blei dei litt for ivrige til å koma i finalen. I EM i fjor blei dei nest beste norske par med 15. plass.

Aktiv klubb
Landslagsutøvarane fortel om gode konkurranseforhold i nabolandet, medan det i Noreg blir for lite å bryna seg på.

- Svenskane dansar konkurranse fleire gongar i månaden, her heime har vi berre ei handfull konkurransar i året, seier Sindre.

- Men Os har ein god swingklubb, både for nybyrjarar og vidarekomne, legg han til.

Saman med Iceabella instruerer han i klubben, og på ein god onsdag har dei til saman over 80 personar fordelt på sju kurs utover kvelden.

- Det er også fleire gode konkurranseutøvarar i klubben, som Anne Margrethe Børresen og Christian Dworas, som fekk 4. plass i bugg i NM i fjor, og Jan Haukeland som med partnar frå Bergen fekk sølv i folkeswing.

LIVE på svensk TV
Ved sida av instruksjon av andre ligg paret i hardtrening før VM. 26. september blir det oppkjøring med Grenlandscup i Sandefjord, og 10. oktober er det VM i Eksjø.

- Det blir spennande å sjå kor godt vi klarar å matcha svenskane, og kor gode dei har rokke å blitt i den nye fswingformen i andre land. Det er ein del på kontinentet, og i Asia, som er i full swing med bugg, så vi får nok hard konkurranse, trur Iceabella og Sindre.

VM blir ifølgje Sindre vist LIVE på svensk TV 2.

Under bilda kan du sjå NM-finalen i bugg i 2008. Iceabella og Sindre i turkis.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.