Ting på rek trugar båttrafikken

Onsdag var Os brannvesen på oppdrag utanfor innseglinga til Hatvik ferjekai.

Årsaka var at ein leider (stige til båt) låg på rek.

– Det var mannskap om bord på ferja som varsla om leideren, og som var uroa for at denne kunne bli påkøyrd av ferja eller av andre båtar, fortel varabrannsjef Arne Monsen.

Også i innseglinga til Halhjem har det nyleg vore meldt om ting på rek. Politiet blei varsla då eit fat låg og flaut, ein stor blå plastdunk som brannvesenet måtte fjerna.

Fekk plastrør i propellen

I førre veke var det ein episode med drivgods som kunne fått alvorlege føljer.

– Ferja mellom Våge og Halhjem hadde fått eit plastrør i propellen, eit rør som ser ut til å stamma frå eit oppdrettsanlegg.

– Ferja klarte å manøvrera seg til kai, og reserveferje blei sett inn i sambandet, mens vi var ute med dykkarar for å få slangen laus.

Denne hadde kilt seg godt fast og dykkarane måtte kappa den i betar for å få den ut.

– Mannskapen om bord i ferjene er gode varslarar, og mengda drivgods viser at fleire kan bli flinkare til å sikra lause gjenstandar på båt,oppdrettsanlegg og ved nausta sine, seier Monsen.

I førre veke var det ekstra høg flo på Vestlandet.

• Les òg: Høg flo gjorde ingen skade - til no