Sunniva Valland Strømme har designa haustkolleksjonen, som skapte omsetnadsrekord, og står bak den kreative innreiinga av butikken som opna på Osøyro i dag. (Foto: Kjetil Vasby Bruarøy) 

Tiny Trolls-designer får ros for ny butikk på Os

– Kleda våre har verkeleg hamna i dei rette omgjevnadane.

image
image
image
image
image
image
image
Av: Kjetil Vasby Bruarøy

Måndag var ikkje golvet ferdig lagt, klokka 12 i dag, opna likevel den nye butikken Tiny Trolls of Norway på Drageset-hjørnet.

Butikken har vareprøveutsal frå Elements Production ved sidan av barneklede som blant anna har hausta merksemd under New York Fashion Week.

Elements production, som produserer og importerer varer til både Sport Norge og Sport Outlet, kjøpte Tiny Trolls i fjor. Då overtok dei òg design og produksjon, og første kolleksjon kom i hyllene tidleg i haust.

– September blei ny rekord for oss! seier Line Holmedal Engen.

Ho har jobba saman med gründer Elaine Kobbeltvedt sidan starten i 2015. No er butikken flytta frå Fana til Os sentrum.

Får ros for innreiinga

– Butikken vår i Fana var nesten for eit showroom å rekna, utan kveldsope. 90 prosent av omsetnaden vår har til no gått via nettbutikken, men i desse omgjevnadane kan ting endra seg, seier Line.

Ho gir spesielt mykje ros til Sunniva Valland Strømme, som både har designa haustkolleksjonen og den særprega butikken som opna i dag.

– Eg har ikkje erfaring med innreiing av butikk, men fekk frie tøylar og sleppte meg laus, seier Sunniva.

Innreiinga består blant anna av konglar, eit indianertelt, ei disse, nokre bilar, buskar og to tigrar.

– Eg synest det både er ei leiken og trolsk innreiing, kjekt for ungar å besøka og med eit miljø som liknar det kleda våre i hovudsak er designa for; livet utandørs, seier Line.

God start

Line skal jobba i butikken og på kontor i nabolokalet, der ho skal styra nettbutikk og marknadsføring.

Gründer Elaine si svigerdotter, Joanna Kozicka, blir butikksjef.

Til opningsdagen er butikken ekstra godt bemanna, og rundt 20 kundar «ramla» inn dørene då dei opna i dag.

Fleire saker