Tjuveri frå skur
Politiet fekk seint søndag kveld melding om tjuveri frå AMFI - tidlegare på dagen var det eit mindre trafikkuhell på Søfteland.
Politiet i Os sin søndag starta med ein trafikkkontroll i Industrivegen i 14-tida.
Politioverbetjent ved Os lensmannskontor, Anne Lyssand, fortel at det i kontrollen var fokus på bilbelte og bruk av mobil.
– Det vart ingenting på reagera på, noko som er bra, seier Lyssand.
Spegel rauk på Søfteland
I halv fem-tida søndag ettermiddag fekk politiet melding om eit mindre trafikkuhell på E39 på Søftland.
– To bilar var i kvarandre ved passering, og det rauk ein spegel i uhellet, seier Lyssand.
– Politiet rykte ut med ein patrulje på staden. Det vart teke promillekontroll av begge førarane, og begge blåste til grønt.
Lyssand legg til at det er oppretta sak etter hendinga.
Tjuveri ved AMFI
Like over klokka 23.30 søndag kveld fekk politiet medling om aktivitet i ein konteinar utanfor AMFI-senteret.
– Med jamne mellomrom får vi melding om folk som oppheld seg i, og som tek med seg ting frå mottaket for El-artiklar utanfor AMFI.
Politiet var opptekne på anna hald, og kunne ikkje rykka ut, seier Lyssand.