Næringsliv | 28. apr. 2018

TN Motorservice i vekst på Halhjem

Morten Tøsdal trivst med nye fasilitetar. No har han tilsett faren sin, Olav Tøsdal, som kundemottakar.

F.v.: Jan Erik Davanger, Morten Tøsdal og Olav Tøsdal. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøylørdag 28. apr. 2018 07:09

Bildeserie:

TN Motorservice har tre slippar på Halhjem. (Foto: KVB)
Utvidinga er ein modul brukt under sykkel-VM i Bergen. (Foto: KVB)
På innsida er butikk og kontor til Olav. (Foto: KVB)
Trass utviding av basen - verkstaden er framleis mobil. (Foto: KVB)
TN Motorservice har tre slippar på Halhjem. (Foto: KVB)
Utvidinga er ein modul brukt under sykkel-VM i Bergen. (Foto: KVB)
1 av 4
Utvidinga er ein modul brukt under sykkel-VM i Bergen. (Foto: KVB)
På innsida er butikk og kontor til Olav. (Foto: KVB)
Trass utviding av basen - verkstaden er framleis mobil. (Foto: KVB)
TN Motorservice har tre slippar på Halhjem. (Foto: KVB)

I desember 2016 flytta TN Motorservice frå Kolskogen til Halhjem. Morten Tøsdal overtok kort tid senare aksjane til medgründer Joakim Nordstrønen, og sjølv om han dreiv ei stund åleine opplevde han vekst ved sjøen.

– I 2016 hadde vi eit lite underskot, men 2017 blei veldig bra. No er vi tre tilsette, seier Morten.

Også 2018 har starta bra, sjølv om vinteren har vore lang.

– Vi har ein del firmakundar, bedrifter innan fiske, oppdrett og dykking. Desse er aktive heile året. Einaste bakdelen med den kalde vinteren er at enkelte kundar har vore i islagt hamn og kome for seint til verkstadtime, seier Morten.

Tre tilsette

Med pappa Olav på kundemottak får han frigjort meir tid til sjølv å skru på båtmotorar.

– Det er det eg liker best. Dessutan er han far flink til å hjelpa med praktiske oppgåver òg.

Med seg på verkstad og slipp har han den erfarne mekanikeren Jan Erik Davanger.

– Eg har skrudd på båtmotorar i mange år, både som tilsett og med eige selskap. Det var godt å koma tilbake i bransjen, seier Davanger.

Butikk for båtfolket

På Halhjem disponerer Tøsdal både verkstad, tre slippar og eit nabonaust med plass til ein flytande 50-fotar under tak. Verkstaden er nyleg utvida, kontor og butikk er flytta inn i eit lite og lekkert tilbygg på kaien.

Den største slippen passar for båtar opptil rundt 50 fot og 20 tonn, den andre for 30 fot/10 tonn.

– Vi har òg ein liten butikk med sal av servicedelar til blant anna Volvo Penta, Mercury, Suzuki og Yamaha, og forbruksvarer som olje, sink og bunnsmøring. Med tida vil vi nok òg få inn litt båt- og fiskeutstyr, for det er ganske mange som er innom her, og vi ligg fint til for båtfolket, seier Morten Tøsdal.

Spennande? Vil du ha ukas høgdepunkt i innboksen?

Tilgang til alt innhald for berre 145 kr i månaden

Di støtte gir liv til lokalavisa vår. Vi set stor pris på om du hjelper oss å spreia nyheitene!

  • Tilgang til alt innhald
  • Under 37 kr/veka
  • Utan bindingstid
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.