To dagar på rad utan nye smittetilfelle

Smittetalet gjekk ned frå 21 i veke 34 til 17 i førre veke (veke 35).

Fredag og laurdag var det til saman fem nye smittetilfelle, søndag var det ingen.

Også måndag var utan nye smittetilfelle i Bjørnafjorden kommune, stadfestar kommunikasjonsrådgjevar Ragnhild Stende Bjaadal.

• Oversikt: Smitten i Bjørnafjorden, dag for dag, veke for veke (+)

Berre fire dagar i august var utan nye smitta i Bjørnafjorden. Sist vi hadde to dagar etter kvarandre utan nye smittetilfelle var i juli.

Frå 10. til 22. juni og frå 2. til 12. juli hadde vi lengre smittefrie periodar.

Også i Bergen går tala ned, søndag var det berre 21 nye smittetilfelle hos den store naboen i nord.