Politi | 12. okt. 2023
To kontrollar - ingen reaksjonar
Sjekka promille og åtferd.
Kjetil Vasby Bruarøytorsdag 12. okt. 2023 10:43
Torsdag, før politi og brannvesen blei opptatte med ulike velta tre, hadde politiet to kontrollar på E39.
I 08.45-tida sto dei på Halhjem ferjekai for å sjekka promille.
– 44 bilførarar blei kontrollerte, ingen av dei førte til nokon reaksjon, opplyser politioverbetjent Anne Lyssand.
Etterpå, i 09.30-tida, heldt dei kontroll i krysset mellom E39 og Lepsøyvegen.
Der har det tidlegare vore skrive ut mange forelegg på kort tid, men ikkje denne gong.
– Det var åtferdskontroll i samband med stoppskiltet i krysset. Også her var det fin køyring og ikkje noko å reagera på.
