To slåstkampar i sentrum - trugslar om bord på buss

Politiet har oppretta sak etter ein fysisk konflikt i drosjekøen.

To menn barka saman på Os Taxi sin haldeplass natt til søndag. (Arkivfoto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 11. okt. 2021 09:32

Klokka 03.34 natt til søndag fekk politiet melding om slåstkamp mellom to menn som venta på drosje på haldeplassen i Os sentrum.

– Dei kjenner visst ikkje kvarandre frå før, og var usamde om kven som var fremst i køen. Det utvikla seg etterkvart til knuffing og knyttneveslag, seier politioverbetjent Anne Lyssand.

Patruljen kom til staden. Minst ein av dei to var blodig i ansiktet, men ingen var alvorleg skadd.

– Vi har oppretta sak. Dei involverte er begge i 40-åra.

Tre menn i slåstkamp

Tidleg på kvelden fredag, klokka 19.37, fekk politiet melding om tre menn som slåst på ei privat adresse i Os sentrum.

– Dei tre er menn i 30- og 40-åra, og alle bur på same adresse. Det var hissig stemning, men noko uoversikteleg kva dei var usamde om. Dei fekk pålegg om å roa seg.

Truga med å knusa telefonen til busspassasjer

I 21-tida laurdag kveld fekk politiet melding om trugande mann på ein buss.

– Fornærma hadde dradd ut ein nødhammer eller liknande, og bussjåfør hadde stoppa bussen.

– Mistenkte, ein mann i 20-åra som er kjent for politiet frå før, skal ha truga med å knusa mobiltelefonen til vedkomande.

Vedkomande mistenkt oppførte seg fint då politiet kom til staden, og blei køyrd heim.

Ubedne gjestar kom med trugslar

Fredag i 23.20-tida fekk politiet melding om ein konflikt ved eit selskapslokale i Os sentrum.

To ubedne gjestar som ikkje fekk koma inn, to gutar i slutten av tenåra, skal ha kome med trugslar.

Dei var vekke då patruljen kom fram.

Utrykking til brann - var truleg hasjrøyk

Klokka 23.13 fredag kveld rykte politiet ut for å bistå brannvesenet på ei adresse til ein kommunal bustad.

– Alarmen hadde gått, men det var ikkje brann. I staden lukta det hasj, men det blei ikkje funne noko, så det blei heller ikkje oppretta noko sak.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.