To tatt ved stoppskilt - éin nekta å godta forelegg
I tillegg har politiet fått melding om velta tre, mogleg innbrot og lause hestar på morgontur.
Torsdag i 14-tida hadde utrykningspolitiet trafikkontroll i krysset mellom Halhjemsvegen og Lepsøyvegen.
Det førte til to reaksjonar på kort tid.
– Éin av dei fekk forelegg på 10.200 kroner og tre prikkar på førarkortet. Den andre nekta å vedta forelegg, og blir meldt for forholdet, opplyser politioverbetjent Atle Birkeland.
Velta tre over fylkesveg
Torsdag formiddag fekk politiet melding om eit tre som hang delvis over Hatvikvegen.
– Vegtrafiksentralen blei varsla. Dei sendte ut entreprenør.
Lause hestar
Torsdag morgon fekk politiet melding om lause hestar i området mellom Lekven og Haugland.
– Dei var ikkje til hinder for trafikk eller fare for andre, men gjekk ned mot sjøen.
Reagerte på open dør
Natt til torsdag fekk politiet melding om ei dør som stod open i eit industribygg.
– Bygningen ligg i Os sentrum, og det er mogleg at det var noko som blokkerte og gjorde at døra held seg open
Politiet rykka ut saman med vekter.
– Det er ikkje teikn til innbrot eller tjuveri.